天馬行兇, by little albert

天馬行兇

by little albert

supported by

	/

Streaming + Download

Includes high-quality download in MP3, FLAC and more. Paying supporters also get unlimited streaming via the free Bandcamp app.

name your price

1.	新主禱文 01:38	lyrics	buy track
我們在天上的父，願人都專你的名為www。願你的熱點降臨，願你的網絡行在地下，如同行在wifi。我們日用的飲食，今日上載給你。免我們的上限，如同我們用盡別人的上限。不叫我們遇見病毒，救我們脫離故障。因為娛樂，社交全是你的，直到永遠，阿門。
2.	Music = free 03:32	lyrics	buy track
little albert 鐘意嗡乜就嗡乜你唔鐘意聽呢個係你嘅損失自已做音樂鐘意點玩都得我賣嘅唔係外表而係個人素質我三十有幾就畀人話老喂我玩音樂啫又唔係要同人比武冇事塭嚟做？点解唔唱K算數？我對音樂嘅執着就好似壽司師傅把刀我從米冇心想去星光大道我識唱歌賦街燈柱但係冇D巨星唱得咁好鐘意hip hop 但係我從來唔隊草每朝番早点樣通宵睇show？我份工同音樂大纜都抯唔到我嘅圈子裡面冇人聽過蛋堡佢地以為hip hop 就係 yo yo yo put your hands up 講得多就有D老土我都比人話過我冇flow 我D beat 又未必有 Dough Boy 做得咁好我就係hip hop 界嘅木獨佬我做音樂係因為我仲有團火係心度鐘意 East Coast 定 West Coast 我唔知道我D音樂品味好亂最憎粗製濫造 old school new school dubstep 同 metal hip hop 係一個音樂大熔爐我D歌詞淺白冇乜深度我D題材古怪但係夠 original 我相信音樂係要真情流露係咪扮嘢聽你D 歌就可以feel 到有人鐘意曰曰唱k開party 有人鐘意研究上上落落嘅股市有人鐘意坐係屋企睇電視我就鐘意製造音樂雕琢歌詞係音樂我放肆唔需要人注意我只係知我呢一刻好free 係音樂我放肆係晒錢嘅玩意？我只係知我呢一刻好free
3.	反智 (unswag) 02:56	lyrics	buy track
L I T T L E A L B E R T, 香港嘅 hip hop 你唔可以淨係識得KZ。我有好多fans但係佢地仲未知，你識好多女，我識好多姨姨。我冇紋身，我出街唔會帶金，我冇hoodie我唔敢著籃球背心。我唔食煙我連啤酒都好少飲。我嘅罪行，玩音樂玩上癮。 U N S W A G 我玩緊反智，我諗你明我意思。我叫little但係一D都唔細，我未做得你嘅老豆但係做得你嘅老細。我D歌全部都係自製，點解咁少人睇？係咪我太前衛？係friend就一定like，未聽過唔會睇。咁小圈子嘅態度真係好憋。我有swag但係未必啱你脾胃，我唔會怪自己只怪你接受能力低。
4.	二零一二太多事 03:12	lyrics	buy track
二零一二，十二月二十一，未到嗰日，已經感覺到有點迷失，要揾佛洛伊德，諗到乜就up乜唔洗心急。我瞓喺梳化你坐喺我嘅後面，我腦海入面好混亂唔知喺邊度講先，mei 埋眼，有好多唔同嘅片段，有近有遠，往事只可以繾綣。七月換咗特首，個個話冇得救，理性話畀我知，恐懼係冇朋友。政府講嘅意見個個唔接受，上街摺袖，因為我買唔到樓。要撤回我交叉個局面對立化，理性嘅態度究竟幾時至會開花，眼巴巴，睇住個社會係度分化，眼花花，Facebook 個 timeline 好差。我有，F.E.A.R. fear 二零一二太多事令我好想有人支持。F.E.A.R. fear 二零一二太多事令我諗番人生嘅意義。呢個係乜嘢時代？個個都一臉無奈現實一 D都唔可愛。黎明同呀基兒又話要分開，晶晶又就快嫁個富二代。鐘意睇big boys，聽鬼故好精彩，無無聊聊吹下水，求求其其話知佢。而家呢個世界咁多利害，又有邊個想，轉番去睇新聞台。今次係風災，水災，定撞船意外？十月一號，我乜嘅心沉落大海。剎那前好開心，剎那後好悲哀，吸一口氣，提醒自己仲存在。相信愛，末日前好應該，同你鐘意嘅人講一聲，你好可愛。相信愛，末日前好應該，放開拳頭，冇隔夜仇 let's chill out。
5.	揭雜誌 03:47	lyrics	buy track
豐胸抽脂整到個鼻高D 你當你嘅身體係一盤生意整呢樣整嗰樣自信嘅投資呢個泡沫遲早## 你好自為之! 行過七仔睇雜誌 D封面大件事呀邊個上咗呀屋企三小時拎上手揭兩揭有好多事業線 D靚話有底線但係個係錢 D明星嘅生活真係唔檢點鐘意偷呢個係我地嘅弱點搧埋窗簾咁樣仲安唔安全? 小心D手機相畀人放上網上瘋傳我其實係想講整容呢個話題雜誌每隔兩頁就有D美容廣告位我D腳皮好好地點解要將佢浸死? 我仲要用佢蒞行路墊住個地整整個鼻用型號一二三四點解d 減肥套餐仲複習過買手機? 唔洗開刀唔洗食藥唔洗做都減到肥嘩咁大隻蛤蟆係你面前你睇到未？豐胸抽脂整到個鼻高D 你當你嘅身體係一盤生意整呢樣整嗰樣自信嘅投資呢個泡沫遲早?? 你好自為之! 用激光肉毒箘去攻擊自己仲有好多疑似科學嘅生化武器納米消脂推淋巴激活細胞活性化你聽唔明我講乜嘢呀算把啦! 用最尖端嘅科技差D改埋DNA 攪莅攪去都係為咗有人欣賞自己作為男人唔可以話唔好奇作為人我覺得係有D可悲豐胸係女人嘅幸福睇住袁潔瑩滕麗明我覺得有D焗豐胸係女人嘅幸福男人chok 女人谷做人真係符碌豐滿嘅咀唇單薄嘅內心蒼老嘅心境但係冇皺紋豐滿嘅咀唇單薄嘅內心你可能好靚但係你唔似人！豐胸抽脂整到個鼻高D 你當你嘅身體係一盤生意整呢樣整嗰樣自信嘅投資呢個泡沫遲早?? 你好自為之! X 2
6.	間歇性失智 03:20	lyrics	buy track
做人究竟要過幾多關，有幾多個password 我可以記得番？用咗邊個user I'd, 最緊要記住，記錯咗超過三次好似番屋企冇鎖匙。朝早，起身，上Facebook 睇下有乜嘢發生。咦，點解我login 唔到？原來有人攪過部電腦。記嚟記去我都記唔起，究竟個密碼係我嘅生日，定係老豆旣出生地。入錯一次，個心就跳動一次。究竟我應唔應該胡亂再去嘗試？我唔係天才亦都唔係白癡，我只係身份太多一時之間間歇性失智。大草細草羅馬數字，用セ嘢方法去記？我真係唔知。抄低咗咁又點？唔記得擺咗去邊，邊個話科技越來越方便？網絡世界點樣賺錢？係要靠廣告同宣傳。做親セ都要你入會登記番個login。我相信做人係要向前跟住個世界轉變，我嘅身份只係一堆冇意義嘅字串。
7.	Black swan (blacker mix) 04:39	info	buy track
8.	兇你 (唔swag) 03:48	lyrics	buy track
我唔swag我唔叻 mic check mic check, 你甚至可以話我完全唔識rap。有態度我太老太有紋路, 我有小小自閉唔識講淨係識做。打開你對耳朵打開你個腦, 香港地下說唱群組我嚟報到。我單拖一個人無團隊坐陣, 我d音樂好似咖啡幫你提提神。 MC就冇我份, rapper我都maun maun緊, 我d音樂係咪hip hop我跟本唱唔會着緊。潮流唔需要死跟, 創作最緊要隨心, 我最需要嘅唔係bling bling 而係創作靈感。好, 而家等我兇下大家, 話哂呢d都係一種rap嘅文化。子彈機關搶呢d比喻真係行到交關, 出去食嘢我鐘意散叫唔要食常餐。唔該你想埋軍單, 係度投閒置散, 同d hoes 玩完之後請你用番梘。日日party all night, 比我一定唔慣, 我注定唔係個rapper 而係一個中產。兇你我兇你chok 下chok下中指樹起。黑超紋身truck 帽全幅裝備。拍親d mv 永遠都獨沽一味，一定會有靚模係度行行企企。而家d歌, 首首差唔多，最興hardcore, woop woop 完咗。有冇人覺得d 音樂唔妥, 究竟有冇人聽得出d咬字唔清楚？偏激嘅角色一定唔啱我, 呢個世界跟本冇完全對完全錯。人地鬧政府鬧得好有火, 睇下d 內容全部都係抄蘋果。我d製作是是但但，我冇swag, 講嘢又岩岩cham cham，我唔想係度再晒時間，做人地想我做嘅嘢，學做人地嘅番版。
9.	父子 03:39	lyrics	buy track
O記, 你方今年已經五歲, 諗下你既將來都覺得幾有趣. 有人唔睇好香港人嘅未來, 話個環境唔好, 民主又唔存在. 十年之後我地D垃圾會堆咗去邊?攪嚟攪去, 究竟會唔會有普選? 香港人仲係咪咁鐘意埋怨? 好叻計算, 斯文, 但係有小小串. 回想當年, 如果冇帶你番香港, 你已經滿口英文 'I was overseas born. my dad comes from Hong Kong where I dont feel belong' 呢種現象叫做香蕉, 裏面白外表黃. 而家D 家長真係好瘋狂. 考小學啫, 点解要好似世界就嚟滅亡? 比佢玩下lego你話要佢上堂. 你地冇嘢叻, 最叻就係製做恐慌. 我會扮怪獸, 但係唔做怪獸家長, 我會幫你塭到自己唔洗同人一樣. 呢個世界有好多壓力令到我地緊張, 受唔受影響就要睇下你有冇立場. 為咗係起跑線D家長用盡手段. 幾萬蚊一個月, 我係講緊幼稚園. 你話為佢好?我話係一相情願. 我相信幸福唔係在於無風無險. 無論係点, 我地都係同一陣線. 面對轉變同挑戰相信希望在明天. 四百萬一個細老我冇諗得咁遠我唔想再浪費時間不斷籌算. 入名校請名師買晒D幼兒DVD, 係咪咁樣就可以做個成功人士? 入名校請名師攞晒D乜乜證書? 我相信做父子唔在於呢一D.
10.	我想住嘅地方係 03:46	lyrics	buy track
我最想住嘅地方係香港，瓦努阿圖、三藩市、溫哥華多倫多Sydney。呢個世界有冇一片樂土，個個帶樂都，時間啱啱好。交通方便，但係又零污染，有人逛商場又有人撐小店。新市鎮有個性唔係一片死寂，地產商有人性唔係與民為敵。政府同巿民大家好有共識，互相信任，唉，我諗得太積極。我想住嘅地方有郊區田野，海灘水清沙幼。室外嘅地方好足夠，居住嘅地方，唔會似沙甸魚罐頭。想買樓唔會係一個白日夢，肯努力就一定有機會成功，社會好包容，氣氛好放鬆，生活方式有自由但係又彼此專重。以下係一千萬嘅問題，你對住嘅地方有冇感情依歸？社會太功利，議會又唔爭氣，大多埋怨太少付出周圍火藥味。文化同藝術，點解咁兒戲？獨立音樂唔係 Fringe Club 就係ＨＡ。rapper 唔係樂隊更加冇人理，默默耕耘嘅一班人感到被遺棄。瓦努阿圖，係咪就一定冇煩惱？日日對住個海，飲cocktail，瞓水泡。有錢？日日唔洗做，比著我，一定悶到就嚟發mo。我想住嘅地方係香港，一個矛盾、複雜、精彩嘅地方。我想住嘅地方係香港，一個矛盾、複雜、自家嘅地方。

about

老老實實，無論點睇我都唔似一個rapper。我都係逼不得已地將腦裏面嘅歌詞同音樂砌出嚟咋。玩音樂玩到呢一刻，已經冇諗過要型仔要出名，只係想隨心、享受、交流一下。因為其實放得開做rapper要型仔呢個框框，都係好型嘅一件事。unswag is swag!

credits

released January 23, 2013

all songs written, performed, recorded, mixed and produced by litttle albert aka LCW 2013

cover photo by Louis Lee

license

some rights reserved

about

little albert Hong Kong

Bedroom artist based in HK. Raps in his mother tongue - Cantonese - about anything that catches his attention. Creates to stay alive.
2009 從澳洲回流香港，開始活躍於獨立說唱圈。自彈自唱自製作，音樂天馬行空，歌詞內容卻絶不離地。現場表演經常加上樂器和現場聲效，亦從來不懂叫"yo yo yo!"。

Recommendations